మెదక్‌ : తాము అధికారంలోకి వస్తే సామాన్యుడి నెత్తిపై సర్కారు
మోపిన ధరాభారాన్ని తగ్గిస్తామని మంగళవారం టిడిపి అధినేత చంద్రబాబు
హామీ ఇచ్చారు. నానాటికీ పెరుగుతున్న నిత్యావసర సరకుల ధరలను
నియంత్రించడంలో ప్రభుత్వం పూర్తిగా విఫలమైందని చంద్రబాబు ధ్వజమెత్తారు.
అవినీతిని విచ్చలవిడిగా వ్యాపింప చేసిన ప్రభుత్వం ధరలను ఒక పద్దతి ప్రకారం
పెంచి పారేసిందని విమర్శించారు.
మెదక్‌ జిల్లా గజ్వేల్‌లో ధరల
పెరుగుదలకు నిరసనగా పార్టీ శ్రేణులు ఏర్పాటు చేసిన మహాధర్నాలో పాల్గొన్న
చంద్రబాబు సర్కారు నిర్లిప్తతపై నిప్పులు చెరిగారు. వెంటనే ధరల నియంత్రణకు
అవసరమైన చర్యలు తీసుకోవాలని డిమాండ్‌ చేశారు. 2003లో కిలో బియ్యం
ధర రూ.12 కాగా, ప్రస్తుతం అది రూ.25కు చేరుకుందన్నారు. వంటగ్యాస్‌
నుంచి పప్పుధాన్యాల వరకూ ఏవీ సామాన్యుడికి అందుబాటులో లేవన్నారు.
ఫిలడెల్ఫియా : ఫిలడెల్ఫియాలో తెలంగాణ ఎన్నారైలు వరుసగా రెండో ఏట కూడా బతుకమ్మ సంబరాలను ఘనంగా నిర్వహించుకున్నారు. స్థానిక విల్సన్‌ ఫ్రేమ్‌ పార్కులో నిర్వహించిన ఈ వేడుకల్లో 100 మందికి పైగా ప్రవాస ఎన్నారైలు ఎంతో ఉత్సాహంగా పాల్గొన్నారు. ఫిలడెల్ఫియా పరిధిలోని తెలంగాణ వాసులే కాకుండా కోస్తా, రాయలసీమకు చెందిన తెలుగు వారు కూడా ఈ వేడుకలకు హాజరయ్యారు.
అనంతరం మహిళలు తమ వెంట తీసుకువచ్చిన 15 బతుకమ్మలకు సంప్రదాయ బద్దంగా మొదట గౌరీ పూజ నిర్వహించారు. ఆ తరువాత బతుక్మల చుట్టూ చేరి “బతుకమ్మ బతుకమ్మ ఉయ్యాలో…” అంటూ మహిళలు ఆడి పాడారు. చాలాసేపు జరిగిన ఈ కార్యక్రమం వీక్షకులను తమ చిన్ననాటి జ్ఞాపకాల్లోకి తీసుకెళ్ళింది. కొలువు పూర్తయిన తరువాత సంప్రదాయ బద్దంగా బతుకమ్మలను స్థానిక సరస్సులో నిమజ్జనం చేశారు.
కార్యక్రమంలో భాగంగా చిన్నారులకు, వయోధికులకు ఆటల పోటీలు నిర్వహించారు. ఇంకా పురుషులకు టగ్‌ ఆఫ్ వార్‌, మహిళలకు నిర్వహించిన మ్యూజికల్‌ ఛైర్‌ వీక్షకులను అలరించింది. చివరగా కార్యక్రమ నిర్వహణకు కృషి చేసిన వారికి నిర్వాహకులు కృతజ్ఞతలు తెలియజేశారు. రాఘవరెడ్డి గోశాల, పరమేష్‌ బీమ్‌రెడ్డి, శ్రీమతి శైలజ అడ్లూరు తదితర ప్రముఖులకు ప్రత్యేకంగా ధన్యవాదాలు తెలిపారు.
ఎపిఇఎంఎస్ 